Kuanzisha biashara Tanzania kunatoa fursa ya moja kwa moja ya kufikia soko la Jumuiya ya Afrika Mashariki (EAC). Iwe unaanzisha kampuni ya ndani au unafungua tawi la kampuni ya kigeni, ni muhimu kufuata taratibu na matakwa ya kisheria yanayohusu Wakala wa Usajili wa Biashara na Leseni (BRELA), Mamlaka ya Mapato Tanzania (TRA) pamoja na vibali vinavyohitajika kulingana na aina ya biashara.

Aina za Miundo ya Kampuni Tanzania

• Kampuni Binafsi yenye Dhima Maalum (Private Limited Company – Ltd): Inahitaji angalau wakurugenzi 2 na wanahisa 2. Aina hii inafaa kwa biashara ndogo na za kati (SMEs) pamoja na ubia wa kibiashara.

• Tawi la Kampuni ya Kigeni (Foreign Branch Office): Huwezesha kampuni iliyosajiliwa nje ya Tanzania kuanzisha kituo cha shughuli zake Tanzania bila kuanzisha kampuni tanzu inayo jitegemea.

• Biashara Iliyosajiliwa TIC (TIC-Registered Enterprise): Uwekezaji unaofikia viwango vilivyowekwa, yaani USD 500,000 kwa mwekezaji wa kigeni au USD 300,000 kwa ubia kati ya mwekezaji wa ndani na wa kigeni, unaweza kustahili kupata vivutio vya uwekezaji kupitia Tanzania Investment Centre (TIC).

Hatua kwa Hatua za Kusajili Kampuni

Hatua ya 1: Kuhifadhi Jina la Kampuni kupitia BRELA ORS

Tafuta na uhakikishe upatikanaji wa jina unalopendekeza la kampuni kupitia mfumo wa mtandao wa BRELA Online Registration System (ORS).

Hatua ya 2: Kuandaa MoA na AoA

Andaa Memorandum of Association (MoA) na Articles of Association (AoA) zinazoelezea madhumuni ya kampuni, shughuli za biashara, umiliki na muundo wa kampuni.

Hatua ya 3: Kupata Cheti cha Usajili wa Kampuni

Wasilisha nyaraka zinazohitajika BRELA ili kukamilisha usajili na kupata Certificate of Incorporation (Cheti cha Usajili wa Kampuni).

Hatua ya 4: TRA TIN na Tax Clearance

Sajili kampuni kwa Namba ya Utambulisho wa Mlipa Kodi (TIN) na pata Tax Clearance Certificate kutoka TRA.

Hatua ya 5: Leseni ya Biashara

Omba na upate leseni ya biashara kutoka kwa mamlaka husika, kulingana na aina ya shughuli za kampuni. Leseni inaweza kutolewa na wizara husika au halmashauri ya manispaa.

Mahitaji ya Usajili na Muda wa Makadirio

Mahitaji Muhimu kwa Wakurugenzi na Wanahisa wa Kigeni

• Nakala za ukurasa wa taarifa za pasipoti halali.

• Saini za mfano zilizo thibitishwa na Notary Public, pamoja na matamko ya Beneficial Ownership.

• Uthibitisho wa anwani halisi ya ofisi Tanzania, kama vile mkataba wa pango (Lease Agreement) au hati ya umiliki wa eneo/jengo (Title Deed).

Sajili Biashara Yako kupitia City Squares

Ikiwa na makao yake Upanga East, Dar es Salaam, City Squares inatoa huduma kamili za kuanzisha na kusajili kampuni, kuanzia hatua ya mwanzo hadi kukamilika kwa taratibu muhimu.

Huduma zetu zinajumuisha:

• BRELA ORS: Kuwasilisha maombi ya usajili na kufanya uhakiki wa jina la kampuni.

• TRA TIN: Kusajili kampuni kwa ajili ya kupata TIN na kusaidia katika taratibu za kodi.

• Leseni ya Biashara: Msaada katika kupata leseni ya biashara inayohitajika.

• Tanzania Investment Centre (TIC): Msaada katika mchakato wa kupata vivutio na huduma za uwekezaji.

Wasiliana nasi kupitia WhatsApp Connect with us on WhatsApp,au panga muda maalum wa kupata ushauri kutoka kwa mtaalamu wetu wa uwekezaji.

Au wasiliana nasi hapa:Connect with us here, Jaza fomu iliyo hapa chini au weka miadi ya ushauri wa mtu mmoja kwa mmoja (1-on-1 consultation).

Viungo Muhimu vya Huduma Zetu

• Huduma za Usajili wa Kampuni Tanzania:  Company Formation Service

• Huduma za Ubalozi wa Saudi Arabia Tanzania:  Saudi Embassy Services

• Huduma za Ajira kutoka Tanzania kwenda Duniani: Employment Services

• Huduma za Usafirishaji na Uondoaji wa Mizigo: Logistics Services

Rasilimali za Ziada

• Huduma za Usajili wa Kampuni Tanzania:  Launch your business with City Squares

• Weka Miadi: Book a 1 on 1 Free Video Meeting with Our Expert Consultant

• Kuhusu Sisi:  Discover City Squares

• Makala Zetu:Explore All Articles